#NSRmaid - NSR oadjebas organisašuvdnan

Mii NSR:s háliidit ahte NSR galgá leat oadjebas organisašuvdna. Danne háliidit gávnnahit movt min dilli duođai lea min iežamet organisašuvnnas. Maŋŋel go #metoo-kampánnja álggii, de leat boahtán ovdan historjját buot surggiin servodagas, ja olu bellodagat leat seahkánan dasa. Mii diehtit ahte seksuálalaš loavkašuhttin ja illasteamit dáhpáhuvvet maiddái sámi servodagas. Danne háliidit dál gullat maid miellahtut vejolaččat leat vásihan seksuálalaš loavkašuhttima ektui. Seksuálalaš loavkašuhttima defineret dás sávakeahtes seksuálalaš fuomášupmin maid gillájeaddji vásiha rihkolažžan ja unohassan. Dát sáhttet leat:   

  • Njálmmálaš loavkašuhttin: sáhttet ovdamearkka dihte leat seksuálalaš geažuheamit ja evttohusat dahje kommeanttat rupmaša, neagu dahje priváhtaeallima birra.
  • Ii-njálmmálaš loavkašuhttin: leat ovdamearkka dihte unohis geahčastagat, rumašlihkastagat, seksuálalaš govaid čájeheamit, nuoladeapmi ja sullasaččat.
  • Rumašlaš loavkašuhttin: lea visot sávakeahtes guoskkahemiid nu go salluma ja cummásteami rájes illasteapmái nu go veagalváldimiii ja veagalváldingeahččaleapmái. Seksuálalaš loavkašuhttin dáhpáhuvvá maiddái olu neahta, sosiála mediaid, e-poastta dahje teaksta- ja/dahje -govvadieđuid bokte. 

Danne bivdit mii dál du, dálá ja ovddeš NSR-miellahttu, -luohttámušolmmožin dahje -bargin, juogadit iežat vásáhusaid minguin, nu ahte mii oččošeimmet eambbo máhtu das mii dáhpáhuvvá min iežamet organisašuvnnas.

Iskkadeapmi lea áibbas anonyma ja galgá geavahuvvot eastadeapmái ja oahpaheapmái NSR-oktavuođas. Bargojoavkkus leat mielde nubbinjođiheaddji Beatrice Fløystad, riikkastivralahttu Astri Dankertsen, parlamentáralaš jođiheaddji Runar Myrnes Balto ja ovddeš parlamentáralaš jođiheaddji Kirsti Guvsám. Sii galget maid gieđahallat dán kártema vástádusaid.

Iskkadeapmi ii leat dieđiheapmi. Jus muitalat dáhpáhusaid birra mat dárbbašit eambbo njuolggo čuovvoleami, de bivdit du, NSR rutiinnaid mielde rádjerasttildeaddji seksuálalaš láhttema ja seksuálalaš illasteami hárrái, dieđihit dán njuolga juogo čállingotti jođiheaddjái Thomas Erlend Myrnes Nygård nsr@nsr.no | +47 950 18 809 (NSR) | +47 988 50 273 (Thomas), jođiheaddjái Beaska Niillas beaska@nsr.no | + 47 918 56 318 dahje organisatoralaš nubbinjođiheaddjái Beatrice Fløystad beatrice@nsr.no | +46 (0)70 544 89 40.  Eará luohttámušolbmot sáhttet maid vuostáiváldit dieđihemiid ja sii dovdet NSR njuolggadusaid seksuálalaš illastemiid ja loavkašuhttimiid gieđahallama hárrái. Jus oaivvildat ahte dáhpáhus sáhttá leat ráŋggáštusvuloš, de ávžžuhit du váldit oktavuođa politiijain.

Giitit ovdagihtii go oassálasttát!

Jus dus lea dárbu hupmat ovttainge, de sáhtát maiddái váldit oktavuođa čuovvovaččaiguin:

  • DIXI Ressurssenter for voldtatte (DIXI Veagalváldojuvvon olbmuid resursaguovddáš): telefovdna 22 44 40 50
  • SÁNAG – Sámi našuvnnalaš gealbobálvalus – psyhkalaš dearvvasvuođasuddjen gárrendilledikšu: 78 46 95 50
  • Kirkelig Ressurssenter mot vold og seksuelle overgrep (Girkolaš resursaguovddáš veahkaválddálašvuođa ja seksuálalaš illasteami vuostá): telefovdna 23 22 79 30
  • Reform - ressurssenter for menn (Reform - dievdduid resursaguovddáš): Dievdotelefovdna 22 34 09 60 (árgabeivviid 17 - 20)
  • Seksuelle overgrep - Landsdekkende telefon for incest- og seksuelt misbrukte, og deres pårørende (Seksuálalaš illasteamit - Riikaviidosaš telefovdna inceasta- ja seksuálalaš gillájeddjiid váste, ja sin oapmehaččaide): telefovdna 800 57 000
  • Kirkens SOS: telefovdna 22 40 00 40 (birrajándora) Sáhtát maiddái čállit SOS-dieđu www.kirkens-sos.no bokte. 

T