#NSRaj

Mij NSR:an sihtap NSR galggá liehket jasska organisasjåvnnå. Danen sihtap diehtet gåktu dille mijá organisasjåvnån ajtu la. Maŋŋel gå #metoo-kampanja álgij, li subttsasa boahtám juohkkat oases sebrudagás, ja dát aj moadda belludagájda guosská. Diehtep seksuálalasj urmagahttema ja illastime sáme sebrudagán aj dáhpáduvvi. Danen sihtap aj diehtet majt sebrulattja li vásedam mij guosská seksuála urmagahttemij. Dánna tjielggip seksuálalasj urmagahttemav iehpesávadahtte seksuálalasj berustibmen mij váseduvvá illastibmen ja vájvedibmen sunji gut dasi boadádallá. Dat soajttá liehket:
  • Verbála urmagahttem: soajttá liehket seksuála oajvvádusá jali tsuojggidusá rubmaha, háme jali priváhtá iellema birra.
  • Iehpe-verbála urmagahttem: gå ilá gehtja, rumájlabudallama, seksuála gåvåj vuosádallam, rihttsot nuoladit ja dan lágátja.
  • Fysihkalasj urmagahttem: juohkka diŋŋga duohtadime rájes, fárbadibmáj, tjulástibmáj gitta illastimijda degu biledibme ja dav gæhttjalit. Edna seksuála urmagahttem la aj nehtan, sosiála mediajn, e-påstan jæli tæksta ja/jali gåvvådiedádusájn.
Dájna gåhttjop duv udnásj ja åvdep NSR sebrulattjan, luohtádusulmutjin jali barggen juohket duv subttsasav (-ijt) mijájn, váj diehtep ienebut mij ietjama organisasjåvnån dáhpáduvvá.

Guoradallam la ållu anonyma ja dav adnep hieredibmáj ja åhpadibmáj NSR-aktijvuodan. Barggojuohkusin li organisatoralasj nubbenjådediddje Beatrice Fløystad, rijkkastivrraájras Astrid Dankertsen, parlamentáralasj jådediddje Runar Myrnes Balto ja Kirsti Guvsám, NSRa åvdep parlamentáralasj jådediddje. Sij aj dán guoradallama vásstádusájt giehtadalli.

Guoradallam ij diededibmen giehtadaláduvá. Jus subtsasta dáhpádusáj birra ma bierriji njuolgga giehtadaláduvvat de alodip NSR:a njuolgadusáj milta gåktu seksuála urmagahttema ja illastime galggi giehtadaláduvvat njuolgga diededit juobbá dájs jådediddjijda: sekretariáhttajådediddjáj Thomas Erlend Myrnes Nygård nsr@nsr.no | +47 950 18 809 (NSR) | +47 988 50 273 (Thomas), jådediddjáj Beaska Niillas beaska@nsr.no | + 47 918 56 318 jali organisatoralasj nubbenjådediddjáj Beatrice Fløystad beatrice@nsr.no | +46 (0)70 544 89 40.  Ietjá luohtádusulmutja máhtti aj diededimijt giehtadallat ja dåbddi NSR:a njuolgadusájt gåktu seksuála urmagahttema ja illastime galggi giehtadaláduvvat. Jus dáhpádus máhttá stráffiduvvat, de alodip váldá aktijvuodav politijajn.

Gijtto gå vássteda!

Jus dárbaha náginijn ságastit, máhtá aj dáj válldet aktijvuodav:
  • DIXI Ressurssenter for voldtatte:
    telefon 22 44 40 50
  • SANKS - Samisk nasjonal kompetansetjeneste – psykisk helsevern og rus: 78 46 95 50 
  • Kirkelig Ressurssenter mot vold og seksuelle overgrep:
    telefon 23 22 79 30
  • Reform - ressurssenter for menn:
    Mannstelefonen 22 34 09 60 (hverdager 17 - 20)
  • Seksuelle overgrep - Landsdekkende telefon for incest- og seksuelt misbrukte, og deres pårørende: 
    telefon 800 57 000
  • Kirkens SOS:
    telefon 22 40 00 40 (hele døgnet)
  • Máhtá aj SOS-diedádusáv diehki tjállet: www.kirkens-sos.

T