#NSRaaj - NSR goh jearsoes siebrie

Mijjieh NSR:sne tuhtjebe vihkeles NSR edtja akte jearsoes siebrie årrodh. Mijjieh sïjhtebe dan åvteste gaavnehtidh guktie tsiehkie lea jïjtjene siebresne. Mænngan #metoo-kampanje eelki dle histovrijh jijhteme gaajhkijste bielijste siebriedahkesne, jïh gellie krirrieh dam dååjreme. Mijjieh daejrebe seksuelle narrahtimmieh jïh mïedtelimmieh aaj saemien siebriedahkesne sjugniehtuvvieh. Dan åvteste sijhtebe daelie bïevnesh åadtjodh mah heannadimmieh lïhtsegh leah vuj dååjreme seksuelle narrahtimmien  bïjre. Seksuelle narrahtimmie  lea mijjen tjïelkestimmien mietie daesnie vaajteles seksuelle tsåatskelesvoete maam dihte almetje man bïjre lea, tuhtjie lea narrahtihks jïh naskoes. Daate maahta årrodh:

·       Verbaale narrahtimmie: maahta vuesiehtimmien gaavhtan årrodh seksuelle sïepestimmieh jïh raeriestimmieh jallh lahtestimmieh kråahpen, guelmien jallh privaate jieleden bïjre.

·       Ij –verbaale narrahtimmie: vuesiehtimmien gaavhtan ovsjïehteles gaehkieh,  kråahpesvihtjemh, seksuelle guvvieh vuesiehtidh, bleeksjehtimmie jïh plearoeh.

·       Fysiske narrahtimmie:  gaajhke goh ovvaajteles doehtedimmien, gaanedimmien jïh tjuvliestimmien raejeste daaresjimmien raajan goh seksuelle vædtsoesvoete jïh voejhkelimmie seksuelle vædtsoesvoetese. Aaj jïjnje seksuelle narrahtimmie nedtesne, sosijaale meedijinie, e-påastesne jallh teekste- jïh jallh guvviebïevnesinie.

Mijjieh dan åvteste datnem birrebe goh daaletje jïh aarebi lïhtsege NSR:sne, tjirkije jallh barkije dov histovrijh mijjine juekedh, guktie maehtebe vielie daajroem åadtjodh dan bïjre mij jïjtjene siebresne heannede.

Goerehtimmie sæjhta eevre tjeakoes/nommehts årrodh jïh åtnasåvva heerredimmien jïh lïerehtimmien gaavhtan NSR-ektiedimmesne. Barkoedåehkesne mubpieåvtehke Beatrice Fløystad, rijhkeståvroelïhtsege Astri Dankertsen, parlamentarihkeles åvtehke Runar Myrnes Balto jïh aarebi parlamentarihkeles åvtehke Kirsti Guvsám. Dah sijhtieh aaj vaestiedasside gïetedidh daennie goerehtallemisnie.

Goerehtimmie ij sïjhth vuajnalgidh goh akte bïeljelimmie. Jis datne heannadimmiej bïjre soptsesth mah vielie ryöktesth goeredimmiem daarpesjieh, birrebe dan åvteste datne NSR:n vuekiej mietie raastenbijjelen seksuelle dåemiedæmman jïh seksuelle daaresjæmman, beavnah dam ryöktesth tjaelemesijjien åvtehkasse Thomas Erlend Myrnes Nygård nsr@nsr.no , + 47 950 18 809 (NSR), +47 988 50 273 (Thomas), åvtehke Beaska Niiillas beaska@nsr.no , + 47 918 56 318 jallh organisatovreles mubpieåvtehkasse Beatrice Fløystad beatrice@nsr.no, +46 (0) 70 544 89 40. Jeatjah tjirkijh maehtieh aaj bïeljelimmieh dåastodh, jïh NSR:n njoelkedassh gïetedimmien bïjre seksuelle daaresjimmijste jïh narrahtimmijste demtieh. Jis vïenhth heannadimmie maahta luhpehts årrodh laaken mietie, datnem haestebe pollisem gaskesadtedh.

Åvtelhbodti gæjhtoe ihke leah meatan!

Jis datne daarpesjh naakeninie soptsestidh maahtah aaj gaskesem vaeltedh daejgujmie:

  • DIXI Ressurssenter for voldtatte:tellefovne 22 44 40 50
  • Kirkelig Ressurssenter mot vold og seksuelle overgrep /Gyrhkeles Vierhtiejarnge vædtsoesvoeten jïh seksuelle daaresjimmiej vööste: tellefovne 23 22 79 30
  • Reform - vierhtiejarnge gaarmanæjjide:
  • Gaarmanæjjatellefovne 22 34 09 60 (aarkebiejjiej 17 - 20)
  • Seksuelle overgrep - Laantenvijries tellefovne inceste- jïh seksuelle leerhkehtallijidie, jïh dej lihke fuelhkie: tellefovne 800 57 000
  • Kirkens/Gærhkoen SOS: tellefovne 22 40 00 40 (abpe dygne)
  • Maahtah aaj SOS-bïevnesem tjaeledh daesnie www.kirkens-sos.no. 
  • Samisk nasjonalt kompetansesenter - psykisk helsevern (SANKS): Snåsa: 902 01 065, Karasjok: 78 46 95 50

T